ﺗﺸﺎﺑﻪ ﺳﻴﻨﺎﺭﻳﻮﻫﺎﺕ

ﺳﺎﺧﺮ ﺳﺒﻴﻞ

ﺍﻟﻔﺎﺗﺢ ﺟﺒﺮﺍ
ﺗﺸﺎﺑﻪ ﺳﻴﻨﺎﺭﻳﻮﻫﺎﺕ

ﺃﺣﺪ ﺍﻟﺴﻴﻨﺎﺭﻳﻮﻫﺎﺕ ﺍﻟﺘﻲ ﻛﺘﺒﻬﺎ ﺍﻟﻌﺒﺪﻟﻠﻪ ﻗﺒﻞ ﺣﻮﺍﻟﻲ ﻋﺸﺮ ﺳﻨﻮﺍﺕ ﻭﺍﻟﺘﻲ ﻋﺒﺮﺕ ﻋﻦ ﺍﻟﻮﺿﻊ ﺍﻟﺤﺎﺻﻞ ﺁﻧﺬﺍﻙ ‏( ﻭﺍﻟﻜﻀﺐ ﺑﺈﺳﻢ ﺍﻟﺪﻳﻦ ‏) ، ﺳﻴﻨﺎﺭﻳﻮ ﺑﻌﻨﻮﺍﻥ ‏( ﻋﻤﺮﺍﻥ ﺍﻟﻐﻤﺮﺍﻥ ‏) ﻟﻌﻞ ﺍﻟﻜﺜﻴﺮ ﻣﻦ ﺍﻟﻘﺮﺍﺀ ﻳﺬﻛﺮﻭﻧﻪ ، ﻭﻗﺼﺘﻪ ﺗﻘﻮﻝ ﺑﺈﺧﺘﺼﺎﺭ ﺑﺄﻥ ‏( ﻋﻤﺮﺍﻥ ‏) ﺃﺣﺪ ﺍﻟﺸﺒﺎﺏ ﺍﻟﺬﻳﻦ ﻗﺮﺭ ﺑﻬﻢ ﻭﺗﻢ ﺇﺭﺳﺎﻟﻬﻢ ﻟﻠﻘﺘﺎﻝ ﻓﻲ ﺃﺣﺮﺍﺵ ﺍﻟﺠﻨﻮﺏ ‏( ﺟﻬﺎﺩ ﻭﻛﺪﻩ ‏) ﻭﻓﻲ ﺇﺣﺪﻯ ﺍﻟﻤﻌﺎﺭﻙ ﺍﻟﺸﺮﺳﺔ ﺍﻟﺘﻲ ﺧﺎﺿﻬﺎ ‏( ﻋﻤﺮﺍﻥ ‏) ﺗﻤﺖ ﺇﺻﺎﺑﺘﻪ ﺑﻄﻠﻖ ﻧﺎﺭﻱ ﺍﺳﺘﻘﺮ ﻓﻲ ﻗﺎﻉ ﺍﻟﺠﻤﺠﻤﺔ ﻓﺘﻢ ﺇﺟﻼﺅﻩ ﻣﻦ ﺳﺎﺣﺔ ﺍﻟﻤﻌﺮﻛﺔ ﺑﺈﺣﺪﻯ ﺍﻟﻤﺮﻭﺣﻴﺎﺕ ﺇﻟﻰ ﺍﻟﺨﺮﻃﻮﻡ ﻭﻫﻮ ﻓﻰ ﺣﺎﻟﺔ ﺧﻄﺮﺓ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ، ﺛﻢ ﺑﻌﺪ ﺃﻥ ﻋﺠﺰ ﺍﻷﻃﺒﺎﺀ ﻓﻲ ﺍﻟﺨﺮﻃﻮﻡ ﻋﻦ ﻋﻼﺟﻪ ﺃﻭﺻﻮﺍ ﺑﺴﻔﺮﻩ ﺇﻟﻰ ﺃﻟﻤﺎﻧﻴﺎ ﻟﻠﻌﻼﺝ ﻭﻫﻨﺎﻟﻚ ﺗﻢ ﺇﺳﺘﺨﺮﺍﺝ ﺍﻟﻤﻘﺬﻭﻑ ﺑﻨﺠﺎﺡ ﺇﻻ ﺃﻥ ﻋﻤﺮﺍﻥ ﺩﺧﻞ ﻓﻲ ﻏﻴﺒﻮﺑﺔ ﻃﻮﻳﻠﺔ ﺇﺳﺘﻤﺮﺕ ﻟﺴﻨﻮﺍﺕ ﻗﺒﻞ ﺃﻥ ﺗﺤﺪﺙ ﺍﻟﻤﻌﺠﺰﺓ ﻭ ‏( ﻳﻔﺮﻓﺮ ‏) ﻭﻳﻌﻮﺩ ﺇﻟﻰ ﻭﻋﻴﻪ ﺣﻴﺚ ﺗﻤﺖ ﺇﻋﺎﺩﺗﻪ ﺇﻟﻰ ﺍﻟﺴﻮﺩﺍﻥ ﻟﻴﻜﻤﻞ ﺑﻘﻴﺔ ﺍﻟﻌﻼﺝ ﻭﻣﺎ ﺃﻥ ﻭﺻﻞ ﻭﻫﻮ ﻋﻠﻰ ﺳﺮﻳﺮ ﺍﻟﻤﺮﺽ ﺣﺘﻰ ﺳﺄﻝ ﺫﻭﻳﻪ :
– ﺃﻧﺎ ﻟﻴﺎ ﻛﻢ ﻳﻮﻡ ﻳﺎ ﺟﻤﺎﻋﺔ ‏( ﻏﻤﺮﺍﻥ ‏) ؟؟
ﺗﻔﺎﺟﺄ ﺃﻓﺮﺍﺩ ﺍﻷﺳﺮﺓ ﻭﺍﻟﺬﻳﻦ ﻛﺎﻧﻮﺍ ﻳﺤﻴﻄﻮﻥ ﺑﻌﻤﺮﺍﻥ ﺑﻬﺬﺍ ﺍﻟﺴﺆﺍﻝ ﺍﻟﺬﻱ ﻟﻢ ﻳﻜﻦ ﻗﺪ ﻭﺿﻌﻮﺍ ﻟﻪ ﺇﺟﺎﺑﺔ ﻭﺃﺧﻴﺮﺍً ﺃﺧﺒﺮﻭﻩ ﺑﺄﻧﻪ ﻓﻲ ﺍﻟﻌﺎﻡ 2010 ‏( ﺑﻴﻨﻤﺎ ﻛﺎﻧﺖ ﺇﺻﺎﺑﺘﻪ ﻓﻲ ﺍﻟﻌﺎﻡ 1992 ‏) .
ﻭﺑﻴﻦ ﺃﺳﺌﻠﺔ ﻋﻤﺮﺍﻥ ﻋﻦ ‏( ﺍﻟﻤﺸﺮﻭﻉ ‏) ﺍﻟﺤﻀﺎﺭﻱ ﺍﻟﻤﺰﻋﻮﻡ ﺍﻟﺬﻱ ﺗﺮﻛﻪ ﻓﻲ 1992 ﻭﺑﻴﻦ ‏( ﻣﺎ ﺣﺪﺱ ‏) ﻋﻨﺪ ﻋﻮﺩﺓ ﺍﻟﻮﻋﻲ ﺇﻟﻴﻪ ﻓﻲ 2010 ﺗﻜﻤﻦ ﺍﻟﻤﻔﺎﺭﻗﺔ ﻭﺗﺸﺘﺪ ‏( ﺍﻟﺴﺨﺮﻳﺔ ‏) ﺧﺎﺻﺔ ﻭﺃﻥ ﻋﻤﺮﺍﻥ ﻗﺪ ﺳﺄﻝ ﻋﻦ ‏( ﺍﻟﺸﻴﺦ ‏) ﻓﻘﻴﻞ ﻟﻪ ﺃﻧﻪ ‏( ﻓﻲ ﺍﻟﺴﺠﻦ ‏) ﻭﻋﻦ ﺍﻟﺤﺮﺏ ﻭﺍﻟﺠﻬﺎﺩ ﻭﻫﻞ ﺗﻢ ﺿﻢ ‏( ﺍﻟﺠﻨﻮﺏ ‏) ﻟﺪﻳﺎﺭ ﺍﻹﺳﻼﻡ ؟ ﻓﻘﻴﻞ ﻟﻪ ﺃﻥ ﺍﻟﺠﻨﻮﺏ ‏( ﻗﺪ ﺇﻧﻔﺼﻞ ‏) !!
ﺗﺨﻴﻞ ﺍﻟﻌﺒﺪﻟﻠﻪ ﻫﺬﺍ ‏( ﺍﻟﺴﻴﻨﺎﺭﻳﻮ ‏) ﻭﻫﺬﻩ ﺍﻻﻏﻤﺎﺀﺓ ﺍﻟﺘﻲ ﺣﺪﺛﺖ ﻟﻌﻤﺮﺍﻥ ﻟﻮ ﺃﻧﻬﺎ ﺣﺪﺛﺖ ﻷﺣﺪ ﺃﺑﻄﺎﻟﻨﺎ ﺛﻮﺍﺭ ﺩﻳﺴﻤﺒﺮ ﺍﻟﻤﺠﻴﺪﻩ ‏( ﺣﺴﺎﻥ ‏) ﺍﻟﺬﻳﻦ ﺃﺻﻴﺒﻮﺍ ﺑﻌﺪ ﻣﺠﺰﺭﺓ ﺍﻟﻘﻴﺎﺩﺓ ﻓﻼﺑﺪ ﺃﻧﻪ ﺣﻴﻨﻤﺎ ﻳﻔﻴﻖ ﺳﻮﻑ ﻳﺴﺄﻝ ﺃﺳﺌﻠﺔ ﻣﻦ ﻧﻮﻉ :
• ﺍﻟﻨﺎﺱ ﺍﻟﻜﺘﻠﻮ ﺍﻟﺜﻮﺍﺭ ﻗﺒﻀﻮﻫﻢ ﻭﺇﺗﺤﺎﻛﻤﻮ؟
• ﻭﺍﻟﻠﻪ ﻳﺎ ﺣﺴﺎﻥ ﻟﺴﻪ ‏( ﻣﺶ ﻟﺴﻪ ﻳﻮﺭﻭﻧﺎ ﻫﻢ ﻣﻨﻮ؟ ‏) … ﻏﺎﻳﺘﻮ ﻋﻤﻠﻮ ﻟﻴﻬﻢ ﻟﺠﻨﺔ ﺗﺤﻘﻴﻖ !
• ﻭﺍﻟﻜﻴﺰﺍﻥ ﺍﻟﻔﺎﺳﺪﻳﻦ ﺩﻳﻞ ﻗﺒﻀﻮﻫﻢ ؟
• 23
• ﺗﻼﺗﺔ ﻭﻋﺸﺮﻳﻦ ﺳﻨﺔ ﺳﺠﻦ ﻟﻲ ﻛﻞ ﻭﺍﺣﺪ؟
• ﺳﺠﻦ ﺷﻨﻮ ﻳﺎ ﺣﺴﺎﻥ … ﺍﻟﻤﻘﺒﻮﺿﻴﻦ ﻛﻮﻭﻭﻟﻬﻢ ﻋﺪﺩﻫﻢ 23 !
• ﺍﻟﺒﻠﺪ ﺍﻟﻜﻮﻭﻭﻟﻬﺎ ﻛﻴﺰﺍﻥ ﺣﺮﺍﻣﻴﺔ ﺩﻳﻚ ﻣﺸﻮﺍ ﻭﻳﻦ؟
• ﻭﺍﻟﻠﻪ ﻳﺎ ﺣﺴﺎﻥ ﺩﻩ ﺍﻟﺤﺎﺻﻞ
• ﻃﻴﺐ ﻭﻳﻦ ﻧﺎﺱ ﻧﺎﻓﻊ ﻭﺍﻟﺠﺎﺯ ﻭﻫﺎﺭﻭﻥ ﻭ …
• ﻧﺎﻓﻊ ﺃﻫﻠﻮ ﻗﺒﺎﻝ ﻳﻮﻣﻴﻦ ﻋﻤﻠﻮ ﻣﻈﺎﻫﺮﺓ ﻗﺪﺍﻡ ﺳﺠﻦ ﻛﻮﺑﺮ ﻗﺎﻟﻮ ﺑﺮﺉ ﻳﻔﻜﻮﻫﻮ .. ﻭﺍﻟﺠﺎﺯ ﻗﺎﻝ ﻛﻞ ﺍﻟﻄﻠﻊ ﺑﻴﻬﻮ ﻣﻦ ‏( ﺍﻟﻤﻮﻟﺪ ﺩﻩ ‏) ﺗﺮﺍﻛﺘﻮﺭ ﻗﺪﻳﻢ … ﻭﻫﺎﺭﻭﻥ ﻗﺎﻝ ﻃﻠﻊ ﺑﻲ ﻣﻮﺗﺮ ﺻﺤﺮﺍﻭﻱ !
• ﻭﺍﻟﺪﻋﻢ ﺍﻟﺴﺮﻳﻊ ﻣﺎ ﺿﻤﻮﻫﻮ ﻟﻠﻘﻮﺍﺕ ﺍﻟﻤﺴﻠﺤﺔ؟
• ﺍﻟﺪﻋﻢ ﻳﺎ ﺣﺴﺎﻥ ﺑﺠﻬﺰ ﺭﻭﺣﻮ ﻟﻺﻧﺘﺨﺎﺑﺎﺕ
• ﻳﻌﻨﻲ ﺷﻨﻮ؟
• ﻳﻌﻨﻲ ﻭﻛﺖ ﺍﻟﺒﻨﺪﻗﻴﺔ ﻣﺎ ﺟﺎﺑﺖ ﻧﺘﻴﺠﺔ ﻋﺎﻭﺯ ﻳﺸﻮﻑ ﺍﻟﺼﻨﺎﺩﻳﻖ !
• ﻭﻋﻠﻤﺎﺀ ﺍﻟﺴﻮﺩﺍﻥ ﻟﻲ ﻫﺴﻪ ﻣﺎ ﻃﻠﻌﻮﺍ ﺑﻴﺎﻥ ﺃﺩﺍﻧﻮ ﺍﻟﻜﺘﻞ ﻭﺍﻟﻤﺠﺰﺭﺓ؟
• ﻭﺍﻟﻠﻪ ﻳﺎ ﺣﺴﺎﻥ ﻳﻄﺮﺷﻨﺎ ..
• ﻭﺍﻟﺒﺖ ﺍﻟﻄﻠﻌﺖ ﺍﻟﺒﻨﺪﻗﻴﺔ ﻣﻦ ‏( ﺷﻨﻄﺘﺎ ‏) ﻟﻘﻮﻫﺎ؟
• ﺑﺖ ﺷﻨﻮ ﻳﺎ ﺣﺴﺎﻥ .. ﻗﻮﻭﺵ ﺫﺍﺍﺗﻮ ﻣﺎ ﻻﻗﻨﻮ !
• ﻭﺑﺘﺎﻉ ﻛﺘﺎﺋﺐ ﺍﻟﻈﻞ ﺍﻟﺘﻲ ﺗﻌﺮﻓﻮﻧﻬﺎ؟
• ﻟﺴﻪ ﻣﻦ ﻣﺴﺘﺸﻔﻰ ﻟﻰ ﻣﺴﺘﺸﻔﻰ !
• ﻭﺍﻷﻣﻮﺍﻝ ﻭﺍﻟﺤﺎﺟﺎﺕ ﺍﻟﻨﻬﺒﻮﻫﺎ ﺍﻟﻜﻴﺰﺍﻥ ﺣﺼﻞ ﻓﻴﻬﺎ ﺷﻨﻮ؟
• ﻳﺎ ﺣﺴﺎﻥ ﺇﻧﺘﺎ ﻟﺴﻪ ﻋﻴﺎﻥ ﺧﻠﻴﻚ ﻣﻦ ﺍﻟﻜﻼﻡ ﺩﻩ ﻟﻤﻦ ﺗﺒﻘﻰ ﻛﻮﻳﺲ
• ﻻ .. ﻻﺯﻡ ﺗﻮﺭﻭﻧﻲ .
• ﻟﺴﻪ ﻳﺎ ﻋﻤﺮﺍﻥ .. ﻣﺎﻓﻲ ﻭﻻ ﺯﻭﻝ ﺇﺗﻘﺒﺾ ﻭﻻ ﺯﻭﻝ ﺇﺗﺤﺎﻛﻢ ..
• ﻭﺍﻟﺤﺰﺏ ﺍﻟﻼﻭﻃﻨﻲ ﻣﺎ ﺣﻠﻴﺘﻮﻫﻮ ؟
• ﻧﺤﻞ ﺷﻨﻮ .. ﻗﺎﻋﺪﻳﻦ ﻳﻌﻤﻠﻮ ﻓﻲ ﻣﺆﺗﻤﺮﺍﺕ ﻋﺪﻳﻞ ﻛﺪﻩ ﻓﻲ ﺍﻟﻬﻮﺍﺀ ﺍﻟﻄﻠﻖ !
• ﻭﻛﺘﺒﺔ ﺍﻟﻨﻈﺎﻡ ؟
• ﻟﺴﻪ ﻗﺎﻋﺪﻳﻦ ﻳﻜﺘﺒﻮ ﻭﻳﺸﺘﻤﻮ ﻋﺎﺍﺍﺩﻱ
• ﻭﺳﻔﺮﺍﺀ ﺍﻟﻨﻈﺎﻡ ؟
• ﻭﺍﻟﻠﻪ ﻣﺮﺓ ﻳﻘﻮﻟﻮ ‏( ﻓﻨﺸﻮﻫﻢ ‏) ﻭﻣﺮﺓ ﻳﻘﻮﻟﻮ ﻟﺴﻪ ﻗﺎﻋﺪﻳﻦ ﻭﻣﺎ ﻋﺎﺭﻓﻴﻦ ﺍﻟﺤﺎﺻﻞ ﺷﻨﻮﻭﻭ؟
• ﻭﺍﻟﻤﻠﻴﺸﻴﺎﺕ .. ﻧﺎﺱ ﺍﻷﻣﻦ ﺍﻟﻄﻼﺑﻲ .. ﻭﺍﻷﻣﻦ ﺍﻟﺸﻌﺒﻲ ﻭﺍﻟﺸﻨﻮ ﻣﺎ ﻋﺎﺭﻑ … ﺣﻠﻴﺘﻮﻫﻢ؟
• ﻳﺎ ﺣﺴﺎﻥ ﻳﺤﻠﻨﺎ ﺍﻟﺤﻼ ﺑﻠﺔ …
• ﻭﺍﻟﻤﺨﻠﻮﻉ ﻣﺎ ﻭﺩﻳﺘﻮﻫﻮ ﻻﻫﺎﻱ !
ﻭﻫﻨﺎ ﺻﻤﺖ ﺍﻟﺠﻤﻴﻊ ﺧﻮﻓﺎً ﻋﻠﻰ ﺣﻴﺎﺓ ‏( ﺣﺴﺎﻥ ‏) ﻓﻠﻮ ﺃﻥ ﺃﺣﺪﻫﻢ ﺃﺧﺒﺮﻩ ﺑﺄﻥ ﺍﻟﻤﺨﻠﻮﻉ ﻳﻮﺍﺟﻪ ﺗﻬﻤﺔ ﺍﻟﺘﻌﺎﻣﻞ ﻓﻲ ﺍﻟﻨﻘﺪ ﺍﻷﺟﻨﺒﻲ ﻷﻏﻤﻲ ﻋﻠﻴﻪ ﻣﻦ ﺟﺪﻳﺪ ﻭﺭﺑﻤﺎ ﺃﺻﻴﺐ ﺑﺴﻜﺘﺔ ﺩﻣﺎﻏﻴﺔ !
ﻛﺴﺮﺓ :
ﻏﺮﻳﺒﺔ ﺣﺴﺎﻥ ﻣﺎ ﺳﺄﻝ ﻋﻦ ‏( ﻟﺼﻮﺹ ‏) ﺧﻂ ﻫﻴﺜﺮﻭ !
ﻛﺴﺮﺍﺕ ﺛﺎﺑﺘﺔ :
• ﺃﺧﺒﺎﺭ ﺍﻟﺨﻤﺴﺔ ﻣﻠﻴﻮﻥ ﺩﻭﻻﺭ ﺍﻟﺘﻲ ﻗﺎﻝ ﺍﻟﺒﺸﻴﺮ ﺃﻧﻪ ﺳﻠﻤﻬﺎ ﻟﻌﺒﺪﺍﻟﺤﻲ ﺷﻨﻮﻭﻭ؟
• ﺃﺧﺒﺎﺭ ﺍﻟﻘﺼﺎﺹ ﻣﻦ ﻣﻨﻔﺬﻱ ﻣﺠﺰﺭﺓ ﺍﻟﻘﻴﺎﺩﺓ ﺷﻨﻮ ‏( ﻭ ‏) ؟
• ﺃﺧﺒﺎﺭ ﻣﻠﻒ ﻫﻴﺜﺮﻭ ﺷﻨﻮﻭﻭﻭﻭ؟ ﻓﻠﻴﺴﺘﻌﺪ ﺍﻟﻠﺼﻮﺹ